Cyrihu do t`ua ndalë ndihmat sociale të huajve me vizën F

Por, kundër vendimit të marrë nga Parlamenti i Kantonit, 26 komuna të Cyrihut kanë iniciuar një referendum

Të huajt të cilët përkundër refuzimit që u është bërë kërkesës së tyre për azil, nuk munden të kthehen në vendin e tyre (personat me vizën F), në të ardhmen do të marrin vetëm ndihmat emergjente dhe jo më ato sociale.

Kështu ka vendosur Parlamenti i Kantonit gë Cyrihur me shumicë votash, njofton srf.ch. Por, si në shumë çështje tjera, edhe këtu do të jetë populli ai i cili do ta thotë fjalën e fundit, me referendum.

Kështu, të huajt me status F, në të ardhmen do të marrin dukshëm më pak para në krahasim me gjendjen e sotme, transmeton albinfo.ch. Konkretisht, në vend të afër 1000 frangave për një person të rritur në muaj, në rast se pranohet zgjidhja e përmendur, ata do të marrin vetëm nga 400 franga në muaj. Dhe kjo nuk do të quhej më ndihmë sociale por ndihmë emergjente.

Por, kundër vendimit të marrë nga Parlamenti i Kantonit, 26 komuna të Cyrihut kanë iniciuar një referendum.

Nga ky ndryshim i ligjit në Kanton do të prekeshin rreth 5600 veta. Ata, në të shumtën e rasteve janë refugjatë nga Siria, Afganistani ose Iraku, pra nga zonat e luftës. Personat nga kjo kategori, duke qenë se kanë ardhur refugjatë të luftës, Zvicra nuk mund t`i kthejë në vendet e tyre.