Kultura
Dafina Kastrati, një tjetër shqiptare në MTV
Kënga është e kompozuar nga kompozitori Florent Boshnjaku dhe vëllai i Dafinës, Rinori, ndërsa është pjesë e labelit “Record 17”.
Një tjetër shqiptare ka depërtuar në top listën muzikore të kanalit të madh muzikor gjerman, MTV.
Këngëtarja Dafina Kastrati ka publikuar këngën “Shot Calling”, e cila është duke u transmetuar në radio dhe kanale të shumta muzikore gjermane, zvicerane dhe austriake.
Kënga është e kompozuar nga kompozitori Florent Boshnjaku dhe vëllai i Dafinës, Rinori, ndërsa është pjesë e labelit “Record 17”. Ishte vetë kompozitori Boshnjaku ai që përmes rrjetit social njoftoi për suksesin e kësaj kënge.
“Se di çka o ka bohet… Ja edhe një artiste me prejardhje shqiptare në MTV . (I lumtur që jam pjesë e ekipit)
Dafina Kastrati “Shot Calling””, ka shkruar Boshnajku në Facebook.
Dafina është 18-vjeçare, me prejardhje nga Kosova, ndërsa banon në Shtutgart të Gjermanisë, njofton albinfo.ch.
Kënga është plot ritëm dhe duket se prirja për muzikë qëndron në gjakun e familjes multikulturore.
Babai i saj është nga Kosova, ndërsa nëna afrikane.
Ajo ndoqi orët mësimore për këndim, në muzikë klasike në Operën Shtetërore dhe Liveact Akademi në Stuttgart.
Në moshën nëntëvjeçare publikoi CD-në e saj të parë, “I want to live”. Në këtë album ajo kishte edhe këngën “Dua t’jetoj” me këngëtarin Sabri Fejzullahu.
Si 16-vjeçare ajo u shfaq në skenë me baladën e saj “Lampedusa” që ishte apo ashtu kompozim i mjeshtrit të muzikës Florent Boshnjaku. Dafina me këtë këngë ishte garuese në garën për në Eurovision 2014, ndonëse nuk fitoi, ajo me zërin e saj arriti të fitojë zemrat e publikut gjerman.
Të tjera nga Kultura
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)