Sport

Dafina Rexhepi, futbollistja shqiptare që luan në ekipin e meshkujve

12-vjeçarja shpesh nënvlerësohet nga kundërshtarët, por ajo me teknikën e saj i ka mahnitur të gjithë. Ajo mund të luajë vetëm deri U-17 me djemtë

Dafina Rexhepi është një futbolliste shumë e talentuar. 12-vjeçara është e vetmja femër në një ekip të meshkujve në Bundesligës, shkruan ‘rtlnext.rtl.de’.

Mediat gjermane e përshkruajnë atë si një fenomen, derisa është pjesë e skuadrës TSG 1899 Hoffenheim (U-15), përcjell albinfo.ch.

Edhe trajneri i saj thotë se ajo ka një teknikë të mirë, driblon mirë dhe gjuan saktë. Duke pasur të gjitha këto karakteristika, ajo ka fituar edhe respektin e shokëve.

Dafina ka filluar të merret me futboll që katër vjet në ekipin FC Heillbronn, aty ku kishte edhe babanë e saj, dhe tashmë në dhomën e saj ka shumë trofe e certifikata.

Futbolli është shumë i pranishëm në familjen e saj, pasi edhe dy vëllezërit e saj luajnë futboll.

12-vjeçarja shpesh nënvlerësohet nga kundërshtarët, por ajo me teknikën e saj i ka mahnitur të gjithë. Ajo mund të luajë vetëm deri U-17 me djemtë.

Megjithatë, për momentin është lidere e ekipit të saj. Ajo i bën të gjitha, driblon, asiston e shënon, derisa synimet janë shumë të mëdha për të ardhmen.