LIFESTYLE

“DailyMail” shkruan për guximin e nënës së Rita Orës

Vera Sahatçiu-Ora, e mbijetuara e kancerit të gjirit, ka guxuar të pozojë me bikini për një fushatë sensibizlizuese.

DailyMail e përditshmja britanike ka dedikuar një artikull të gjatë nënës së këngëtares shqiptare me famë botërore, Rita Ora, Vera Sahatçiu-Orës.

Ata kanë cituar faktin se si një nënë e guximshme që ka fituar betejën me kancerin, tani pa hezitim publikon fotografi me bikini në rrjetet sociale, duke i kthyer ato në një kampanjë vetëdijësuese për gratë që përballen me një sëmundje të tillë.

“Vera Ora dukej rrezatuese ndërsa pozoi të martën në bikini për një kauzë të fuqishme”, nis shkrimin e saj e përditshmja DailyMail, transmeton Telegrafi

Po ashtu, Vera u solidarizua me të prekurat nga kancerit i gjirit në një intervistë për revistën “Future Dreams” dhënë muaj më parë, duke thënë se ajo dëshiron të rrisë vetëdijen dhe të frymëzojë gratë e tjera për të rikthyer besimin e tyre duke i dalë përpara me këtë fushatë bikinive, përcjell albinfo.ch.