Debat dhe koncert në fushatën e Arbër Bullakajt për Parlament

Nesër, e shtunë, 26 shtator, në mbështetje të Arbër Bullakajt në fushatën e tij për një vend në Parlamentin e Zvicrës mbahet një debat dhe një koncert në Rorshach. Në debatin që fillon në orën 19.00 do të marrin pjesë personalitete prominente nga politika SP e kantonit dhe e Zvicrës. Paul Rechtsteiner, deputet në Dhomën e Kantoneve (Senat) dhe dy deputetet në Dhomën Nacionale të Parlamentit të Zvicrës: Barbara Gysi dhe Claudia Friedl do të jenë të pranishëm përkrah kandidatit  Arbër Bullakaj.

Menjëherë pas debatit do të mbahet një koncert mbështetës i organizuar nga ekipi personal për garë zgjedhore i Arbër Bullakajt. Koncerti do të udhëhiqet në gjuhën shqipe dhe ai është menduar si shprehje e mbështetjes së fushatës zgjedhore, mënyrë për sensibilizimin e dhe më të madh të shqiptarëve të këtushëm rreth zgjedhjeve dhe në përgjithësi rreth politikës.

Debati fillon në orën 19.00 në: Stadthof Rorschach. Në po të njëjtin vend pastaj mbahet edhe koncerti, në të cilin, veç të tjerëve do të këndojë edhe Sabri Fejullahu. Po ashtu në program marrin pjesë edhe Ansambli “Arbëresha” nga Sirnachu si dhe këngëtaret: Leonida Marjakaj dhe Kida.

Hyrja në koncert dhe pjesëmarrja në debat është pa pagesë.