Duke votuar Barbara Gysi-n, lirohet vendi në Parlament për Bullakajn

Nëse Gysi zgjidhet në Dhomën e Kantoneve, Arbër Bullakaj do të ngjitej automatikisht në Parlament, duke u bërë shqiptari i parë në këtë pozitë, në Zvicër

Në Zvicër do të ketë sërish zgjedhje, më 12 mars. Përveç për poste të shumta kantonale dhe komunale, në kantonin St.Gallen do të votohet për një vend në Dhomën e Kantoneve, të Parlamentit Federal të Zvicrës.

Por ajo që është e veçantë në këtë kontekst ka të bëjë me kandidaten nga SP (Partia Socialdemokrate), Barbara Gysi, shkruan albinfo.ch. Nëse zgjidhet, jo vetëm që do të avanconte çështje me rëndësi politike, por do të ofronte edhe mundësinë për të lënë një shenjë historike.

Ja përse “historike”.

Së pari, kush është Barbara Gysi. Ajo është një politikane me përvojë dhe e përkushtuar, e cila ka bërë emër në të gjithë Zvicrën vitet e fundit dhe është përfshirë shumë në marrëveshjen e sigurimeve shoqërore mes Zvicrës dhe Kosovës.

Gysi është veçanërisht e përkushtuar ndaj politikave të drejta arsimore, sociale dhe shëndetësore. Duke vepruar kështu, ajo mbështetet në zgjidhje inovative që fokusohen në nevojat e qytetarëve.

Por pse duhet votuar për Gysin si deputete në Dhomën e Kantoneve (senat ose “Ständerat”) tani? Përgjigja është e thjeshtë: sepse zgjedhja e saj ofron edhe një mundësi për të dhënë një shembull historik për Zvicrën.

Shkurt: nëse Barbara Gysi zgjidhet në Dhomën e Kantoneve, Arbër Bullakaj do të ngjitej automatikisht në Parlament, gjegjësisht në Dhomën e Madhe (Nacionale). Bullakaj do të ishte kështu politikani i parë shqiptar etnik në Zvicër që do të hynte në parlamentin e Zvicrës, shkruan albinfo.ch. Një fakt që është jo vetëm simbolikisht i rëndësishëm, por tregon se Zvicra është një shoqëri e hapur dhe e larmishme në të cilën u jepet zë qytetarëve me origjinë shqiptare.

Gysi dhe Bullakaj angazhohen jo  vetëm për një shoqëri të larmishme, por edhe për një politikë të fortë sociale dhe ekologjike. Ata janë të përkushtuar ndaj një politike arsimore që u ofron të gjithë fëmijëve dhe të rinjve të njëjtat mundësi. Ata luftojnë për kujdes shëndetësor që është i përballueshëm dhe i arritshëm për të gjithë. Dhe ata kërkojnë një politikë klimatike që siguron të ardhmen e fëmijëve dhe nipërve tanë.

Ndërsa vetë Bullakaj duke ju drejtuar votuesve përmes alinfo.ch ka këtë porosi: “Në një kohë kur Zvicra po përballet me sfida të mëdha, nevojiten politikanë si Gysi dhe Bullakaj, të cilët formojnë të ardhmen me largpamësi dhe përkushtim. Ndaj, nëse votoni më 12 mars, duhet të votoni pikërsiht Barbara Gysin!

 

---