Debat i fortë Rama-Basha në kuvend, për Himarën  

Duke e konsideruar një çështje kombëtare, dhe letrën e opozitës greke për KE-në lidhur me këtë çështje si cenim i interesave kombëtare, Rama pyet PD-në, se çfarë është Himara për ta

Çështja e Himarës ka nxitur debat të fortë mes pozitës e opozitës në Kuvendin e Kosovës. Duke e konsideruar një çështje kombëtare, dhe letrën e opozitës greke për KE-në lidhur me këtë çështje si cenim i interesave kombëtare, Rama pyet PD-në, se çfarë është Himara për ta.

“Lulzim, hajde këtu dhe jepu përgjigje shqiptarëve, çfarë donte PD dje në Himarë. Jepu përgjigje shqiptarëve se pse e bashkove zërin e PD me zërin e atyre që nxjerrin bishta pa asnjë bazë mbi një projekt të rilindjes urbane në Himare. Jepu përgjigje shqiptarëve si ka mundësi që PD u shfaq në Himarë të nesërmen e një letre të kryetarit të opozitës greke drejtuar BE-së për gjoja shkelje të të drejtave të minoriteteve”, theksoi Rama.

E kreu i PD-së Lulzim Basha reagoi ndaj Kryeministrit duke thënë se tenton t’i ikë pyetjeve. Kreu i opozitës u drejtua Kryeministrit duke i thënë se ka tre vite që ka bllokuar hapjen e negociatave për Shqipërinë.