Tematike
Deri tash, në Zvicër kanë kërkuar azil 17 mijë veta
Llogaritur mbi bazë të zhvillimeve të deritashme, SEM konsideron se deri në fund të vitit do të kemi gjithsej rreth 18.500 kërkesa azili
Nga 1 janari e deri më 30 nëntor, në Zvicër janë regjistruar 16887 kërkesa të reja të azilit, numër ky që paraqet një konfirmim të prognozës së fundit të bërë nga SEM (Sekretariati Shtetëror për Migracion).
Llogaritur mbi bazë të zhvillimeve të deritashme, SEM konsideron se deri në fund të vitit do të kemi gjithsej rreth 18.500 kërkesa azili, thuhet në një komunikatë të lëshuar sot .
Më së shumti azilkërkues gjatë muajit nëntor kanë ardhur nga Eritrea, 282 sish ose 8 më shumë se në tetor, transmeton albinfo.ch. Pas tyre vijnë sirianët me 156 kërkesa azili ose 112 më pak se në tetor, për të vijuar me afganët, me 102, gjeorgjianët me 98 etj.
Gjatë nëntorit, SEM ka zgjidhur në instancën e parë 2415 lëndë të kërkimit të azilit. Janë marrë 515 vendime për mostrajtim lëndësh, 527 personave u është njohur azili dhe 764 të tjerëve u është dhënë statusi i qëndrimit të përkohshëm ose Viza F.
Gjatë muajit nëntor Zvicrën e kanë lëshuar në mënyrë të kontrolluar 590 refugjatë. Po ashtu gjatë kësaj kohe Zvicra ka kërkuar nga shtetet tjera, anëtare të Dublinit që t`i pranojnë 710 azilkërkues të cilët së pari janë regjistruar në ato vende. Vetëm 170 prej tyre janë pranuar nga vendet përkatëse. Nga ana tjetër, Zvicrës shtetet tjera të Dublinit i kanë kërkuar pranimin e 555 personave mbi bazën e njëjtë. Zvicra ka pranuar 92 prej tyre.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit