Dokumentar për abuzimet e Michael Jackson-it

Trashëgimtarët e Michael Jacksonit kanë dënuar një dokumentar që do të duhej të publikohej, e në të cilin flitet rreth abuzimeve seksuale të këngëtarit.

Dokumentari i titulluar ‘Leaving Neverland’, do të duhej të shfaqej në festivalin e filmit Sundance më vonë gjatë këtij muaji, por do të transmetohet edhe në kanalin HBO dhe Channel 4 në Britani, këtë pranverë.

Në të janë intervistat e dy burrave, tani në të 30-at, të cilët thonë se ishin abuzuar nga këngëtari kur ishin djem të ri.

Këngëtari i hitit Thriller, i cili vdiq në vitin 2009, ishte paraqitur në gjykatë në vitin 2005 në California, nën akuzat për abuzim të një djaloshi 13-vjeçar në fermën e tij.

E, dokumentari përqendrohet në tregimet e Wade Robson dhe James Safechuck. Të dy këta kishin paditur Jacksonin për abuzim pas vdekjes së tij dhe të dyja rastet u përjashtuan nga gjykata. Madje, Robson kishte dëshmuar në vitin 2005 në mbrojtje të këngëtarit.

Pavarësisht kritikave të trashëgimtarëve të këngëtarit, regjisori i dokumentarit, Dan Rred, ka thënë se nuk dyshon aspak në vërtetësinë e dëshmive të dy protagonistëve. Jackson kishte vdekur papritur në 2009, në moshën 50-vjeçare, nga mbidoza me ilaçe