Shqipëria

Dështon edhe raundi i dytë për zgjedhjen e presidentit të ri në Shqipëri

Dështon edhe raundi i dytë për zgjedhjen e një Presidenti konsensual në Shqipëri. Partia Demokratike nuk paraqet asnjë kandidat, pasi pretendon se Partia Socialiste duhet ta mbështesë me firmat e saj.

“Konstatoj me keqardhje që nga opozita nuk ka një qasje për të marrë përgjegjësi për të propozuar zyrtarisht kandidatura. Megjithatë ne e respektojmë marrëveshjen me grupin parlamentar të PD dhe dy grupet e tjera, që dy raundet e para u takojnë propozimeve të opozitës”, tha Balla.

Taulant Balla i qëndron marrëveshjes sipas tij, se Partia Socialiste nuk do të paraqesë asnjë kandidat, por do te presë kandidatë me firma nga Partia Demokratike. Ajo që mund të thuhet është se Presidenti që do të zgjidhet në raundin e katërt do të jetë propozim me firmat e  Partisë Socialiste.

“Por, nëse edhe në raundin e tretë nuk do të hyjë në proces, natyrshëm një gjë është e sigurt, në raundin e katërt do të zgjidhet me kandidatë të propozuar prej nesh Presidenti apo Presidentja e re e Republikës”, tha Balla.

Por, fakti që asnjë nga 8 emrat e Partisë  Demokratike nuk u votua zyrtarisht në sallë, Partia Socialiste akoma mund të zgjedhe një prej tyre dhe ta fusë në votim. Nëse ndodh kështu, duhet parë sesi do të reagojnë deputetët e opozitës: do të votojë ata një kandidaturë të djathtë, por që propozohet nga e majta./ TopChannel


LAJME INTERESANTE NGA INTERNETI