Gola tha se nuk mund të marrin pjesë në një seancë, e cila është cilësuar si ‘dështim i Qeverisë’, lidhur me furnizimet e librave, teksa u shpreh se edhe në vitet e kaluara ka pasur vonesa në sigurimin e teksteve shkollore.

“Sikurse vitet e kaluara që kemi pasur vonesa në sigurimin e librave, edhe këtë vit ka, por nuk dihet a është për shkak të vendimit të marrë nga qeveria apo për disa shkaqe që kanë qenë evidente edhe në vitet e kaluara. Duhet të presim epilogun e këtij procesi, të shohim se si do të zhvillohet deri në fund”, tha ai.

Seanca e thirrur nga opozita lidhur me furnizimin me libra ka dështuar të mbahet sot, pasi që nuk ishin shumica e deputetëve, teksa partitë e opozitës fajësuan pushtetin se po ik nga përgjegjësia.