Detaje nga konferenca e Loredanës në Prishtinë

Loredana Zefi ditë më parë u akuzua se kishte marrë rreth 700 mijë franga nga një çift zviceran, ajo ka thyer heshtjen me një konferencë për media në Prishtinë. Së bashku me Loredanën ishte edhe bashkëshorti i saj, reperi Mozzik si dhe dy avokatët, Tomë Gashi dhe Artan Sadiku, shkruan albinfo.ch. 

Siç ka raportuar Albinfo.ch, Loredana ka pranuar se ka marrë para, por kjo u bë me vetëdëshirën e çiftit zviceran. 

Reperi i njohur Mozzik ka thënë se mediat kanë shpërthyer aq shumë për rastin e Loredanës, pa e ditur se cila është e vërteta. 

“Mozzik ju përshëndet të gjithëve, ju falënderon që keni ardhur. Unë jam promediave gjithmonë dhe nuk jam person që fyej, edhe pse shumica prej jush jeni munduar të na njollosni moralin që e kemi krijuar me punë dhe sukses. Sa u përket këtyre temave, Loredanën e kam grua dhe e kam një fëmijë me të. Çfarëdo që të ndodhë, unë jam bashkëshorti i saj dhe jam në përkrahje të saj”. 

Ndërsa sa u përket raportimeve se ajo ka mashtruar një vajzë tjetër, ajo ka thënë se ku ka qenë ajo vajzë më hërët, ndërsa Mozzik nuk ka parë lajme lidhur me këtë rast. 

Avokati i Loredana Zefit, Tomë Gashi, ka dhënë detaje për akuzat që i janë bërë asaj për përfitim parash. 

Në një konferencë, Gashi ka thënë se meqë rasti ka filluar në vitin 2016, e janë përfshirë anëtarë të familjes, tregon që nuk mund të shndërrohet në rast penal pas 3 vjetësh.  

Sipas avokatit, shuma në fjalë është 350 mijë, e jo 700 mijë, siç është raportuar nga mediat zvicerane. 

Gashi ka shtuar se Zvicra i respekton ligjet e saj më shumë se Kosova dhe se avokati, emri i së cilës thuhet se është përmendur nga Loredana, ka të drejtë të ankohet dhe të bëjë padi.