Lajme

“Dexit”, propozohet dalja e Gjermanisë nga BE-ja

E martë, 13 Prill 2021 - 9:20 albinfo.ch

Partia Alternativa për Gjermaninë do ta ketë pjesë të agjendës elektorale nxjerrjen e vendit nga Bashkimi Europian.

400 nga 600 delegatët e partisë gjermane të ekstremit të djathtë votuan të dielën tezat, me të cilat do të konkurrojnë në zgjedhjet e shtatorit.

“E konsiderojmë të nevojshme daljen e Gjermanisë nga Bashkimi Europian dhe themelimin e një grupi të ri interesi europian dhe ekonomik”, deklaruan delegatët e AFD-së.

Në lidhje me këtë ide, që në Gjermani ka marrë emrin “Dexit”, si Brexiti i Anglisë vitin e kaluar, rivalët politikë thanë se kjo do të sillte fundin e BE-së dhe të tregut të përbashkët./koha.mk