DEZA, gjysmë shekulli në shërbim të ndihmës dhe zhvillimit

Me rastin e jubileut të saj DEZA ka paraparë takime informative dhe debati në gjithë Zvicrën

Drejtoria Zvicerane për Zhvillim dhe Bashkëpunim (DEZA) ka mbushur sot 50 vjet ekzistimi. Ajo, prej gjysmë shekulli ka një prani aktive në gjithë botën, ku është angazhuar kryesisht në luftë kundër varfërisë pastaj në fushë të shëndetësisë dhe të arsimimit.

Ditë më parë Parlamenti i Zvicrës ka vendosur të rrisë shumën që do të ketë DEZA në dispozicion për ndihma në botë. Kjo është edhe një shprehje e besimit për punën e kryer mirë të saj, shkruan në portalin e Televizionit Publik Zviceran SF1.

Sipas drejtorit të DEZA-s, Martin Dahinden, rritja e kësaj shume në lartësinë e 0.5% të brutoproduktit të Zvicrës bën të mundur ndihmesën edhe më efektive në zgjidhjen e problemeve lokale dhe globale.

Me rastin e jubileut të saj DEZA ka paraparë takime informative dhe debati në gjithë Zvicrën.