Didier Burkhalter tërhiqet nga politika

“Pas 30 vjet të angazhimit politik, duke përfshirë edhe tetë vjet në qeveri, së shpejti ndiej nevojën për të shkruar një faqe të re në jetën time”

Ministri i Jashtëm i Zvicrës dhe ish-president i Zvicrës, Didier Burkhalter (57), në Parlamentin e Zvicrës ka dërguar dorëheqjen e tij të mërkurën, duke thënë se ka vendosur të tërhiqet nga pozita e Këshilltarit Federal më 31 tetor të këtij viti.
Siç është shpjeguar, ai papritmas ka bërë të ditur se ishte koha për të lënë politikën.
“Pas 30 vjet të angazhimit politik, duke përfshirë edhe tetë vjet në qeveri, së shpejti ndiej nevojën për të shkruar një faqe të re në jetën time”, shkruan Burkhalter në letrën e tij të dorëheqjes.
Ai ka shtuar se ai ende nuk e di se çfarë ngjyra do të përdorë, “por do të përdor ngjyra që janë më të dukshme në jetën private se sa në jetën publike”.
Shefi i diplomacisë zvicerane u tha gazetarëve se ndihet keq, por që dëshiron të bëjë diçka tjetër, transmetojnë mediat franceze.