Die Weltwoche: “Frankofonët janë grekët e Zvicrës”

“Frankofonët janë grekët e Zvicrës”, shkruan në edicionin e saj të fundit javorja “Die Weltwoche”. Gazeta e Zurich-ut ka kritikuar gjerësisht këtë herë, duke radhitur paragjykime dhe statistika për të sugjeruar se frankofonët e Zvicrës jetojnë në shpinë të pjesës tjetër të vendit.

Kopertina e fundit e kësaj gazete zgjon reagime me mesazhin e saj. Aty sugjerohet se gjysma e popullatës zvicerane, në këtë rast pjesa frankofone, jeton përtej mundësive të saj, me verë të bardhë në dorë e këmbët mbi tavolinë, derisa dosjet qëndrojnë të grumbulluara nëpër byro.

Pra, përmes katër faqeve të tëra gazetarët e redaksisë i janë kushtuar çështjes se popullsisë frankofone, duke prezantuar paragjykime, klishe, stereotipe kundër tyre. Ndryshe, redaksia, tashmë e njohur për afërsinë e saj me SVP/UDC-në, prezanton popullatën romande sikur të jetë dembele, dallgëxhinj, borxhlinj, përfituese krejtësisht ndryshe nga bashkëkombasit e tyre gjermanofolës, të cilët janë “lokomotiva e vendit”.

Për të kristalizuar këtë dukuri, përshkrimi në fjalë shkon edhe më tej dhe pa rrotulla identifikon këtë pjesë të popullatës me atë të grekëve. Përveç faktit se një përmendje e tillë e grekëve  njollos një kulturë të tërë, shkrimi në fjalë fundos po ashtu edhe frankofonët, të cilët paraqitën të jenë larg shembullorësisë së popullatës gjermanofolëse.

Vështrimet e paraqitura zgjojnë edhe kureshtjen e albinfo.ch: Po banorët me origjinë shqiptare, çfarë mendojnë?

Votoni sontazhin albinfo.ch:

A mendoni edhe ju se Zvicra frankofone është më dembele?