“Different Shows”, me Elhaida Danin dhe Vedat Ademin

“Dhe fituese është Elhaida Dani” ishin fjalët e drejtueses së spektaklit të famshëm në botë “The Voice” që ishte në edicionin e parë në Itali më 2013, pra “The voice of Italy”, duke bërë që lotët e gëzimit të vërshonin në faqet e shkodranes.

Ishte ky ndër momentet më të larta të karrierës së Elhaidas, ku pas një garimi maratonik, me përkrahjen e gjeniut italian të muzikës, Riccardo Cocciante, triumfon në këtë spektakël të famshëm muzikor, shkruan albinfo.ch.

Por para kësaj Elhaida kishte ngadhënjyer edhe në spektaklin tjetër për Talente, Star Academy (2009), apo në festivalin prestigjioz në  Shqipëri “Top Fest (2012)”.

Më 2014, si fituese e Festivalit të Këngës në TVSH, ajo përfaqëson Shqipërinë në Festivalin evropian të Këngës Eurovizion, ku pozicionohet në vendin e 17-të.

Ndërsa në anën tjetër kemi edhe Vedat Ademin, një këngëtar që vjen nga një vend me traditë në rokun shqiptar, pra nga Mitrovica, ku si pjesëmarrës në shumë festivale e spektakle në Kosovë dhe Shqipëri, krijoi mjaft famë, duke qenë shumë i dashur për publikun.

Arsye e këtyre rreshtave është se që të dy këta artistë do të kemi rastin ti shohim e dëgjojmë në Zürich me 30.03.2019.

“Different Shows”, duke pasur si objektiv që publikut shqiptar në Zvicër ti ofrojë vetëm muzikë të mirëfilltë, edhe kësaj here ka ftuar këngëtarë që janë dëshmuar tashmë me cilësitë e sukseset e tyre.

Pra, mos harroni Different Shows, me datë 30.03.2019 në Stall 6, Gessnerallee 8 në Zürich.

Biletat mund ti blini edhe online në linkun më poshtë:

https://eventfrog.ch/de/p/konzert/ëeitere-musikrichtungen/vedat-ademi-elhaida-dani-6507280439877603504.html?fbclid=IëAR1JsBLQ2cFY3sQNrf5KTmj7DgZOiëvslm_q8PKs5AGYkOj2Nmg1o3fUpë8