Dion Kacuri nënshkruan kontratën me FC Basel-in

Pak ditë më parë, mediat në gjuhën shqipe kishin shkruar për transferimin e pritshëm, të futbollistit të ri shqiptar Dion Kacuri, nga Grasshoperi i Cyrihut bë FC Basel.

Ndërkohë, duke filluar nga dje, më 7 shkurt, ky transferim është punë e kryer. Këtë njoftim e dha për Albinfo.ch babai i Dionit, Naim Kacuri, i cili na solli edhe fotografitë nga nënshkrimi i kontratës së re.

Pronarët e mëparshëm kinezë të Grasshopperit kishin bllokuar transferimin e Kacurit te Baseli, por pas ndryshimit të situatës në klub lëvizja arriti të realizohet.

Kacuri 19-vjeçar, ka luajtur në pozitën e mesfushorit te Grasshopperi. Me këtë skuadër ai kishte një kontratë deri në verën e vitit 2025, shkruan koha.net. Këtë edicion Dioni ka pasur shtatë paraqitje në Superligën e Zvicrës, por siç shkruajnë mediat zvicerane, nuk është grumbulluar në ndeshjet e fundit, përcjell albinfo.ch. Gjithsej në Superligë i ka luajtur 28 ndeshje, ndërsa është paraqitur për U18, U19 dhe U21 të Zvicrës.

Për FC Basel luajnë: Taulant Xhaka, Benjamin Kololli, Leon Avdullahu, Albian Ajeti.