Donatorët nga diaspora bëjnë me banesë një familje në Vushtrri

Banesa ka kushtuar 28 mijë euro dhe kanë kontribuar mërgimtarë nga Zvicra, Gjermania, Austria, Anglia, Belgjika, Suedia e Amerika, por edhe vendorët

Shoqata Bamirëse “Jetimat e Ballkanit” po vazhdon me misionin duke kontribuar për familjet që kanë nevojë.

Kjo shoqatë në rrjetet sociale ka njoftuar se familja Brahimi është bërë me banesë të re në Vushtrri.

“E dhuruam një banesë të re në Vushtrri. Banesa është 70 metra katror, ka kushtuar 28 mije euro dhe është e mobiluar komplet. Familja që u befasuar është e Bashkim Brahimit nga Vushtrria, familje 6 anëtare me kryefamiljarin e paralizuar. 36 vite herë në një derë dhe herë në tjetrën, sot u gëzuan me banesë të re”, thuhet në njoftimin e tyre.

Banesa ka kushtuar 28 mijë euro dhe kanë kontribuar mërgimtarë nga Zvicra, Gjermania, Austria, Anglia, Belgjika, Suedia e Amerika, por edhe vendorët.