Futboll
Dortmund, në bisedime të avancuara për transferimin e sulmuesit shqiptar
Dortmundi në bisedime për Brojën
Finalisti i Ligës së Kampionëve, Borussia Dortmund, është në bisedime me Chelsean për sulmuesin shqiptar, Armando Broja.
“The Sun” shkruan se Dortmundi dëshrion ta ketë në skuadër sulmuesin e Shqipërisë për edicionin e ardhshëm. Bëhet e ditur se interesimi i Dortmundit ka joshur edhe sulmuesin shtatlartë. Chelsea ka kërkuar rreth 60 milionë euro për Brojën.
Sulmuesi 22-vjeçar në shkurt të këtij viti u huazua nga Chelsea te skuadra e Fulhamit.
Ai në edicionin aktual në 26 ndeshje në të gjitha garat ka shënuar dy gola dhe ka asistuar një herë.
Sipas “The Sun”, Broja do të jetë lojtari i parë i bluve që do të shitet në verë, pasi bisedimet mes klubeve janë në fazë goxha të avancuar, dhe gjithmonë duke iu referuar tabloidit britanik, vetë Broja e dëshiron me ngulm këtë transferim.
I huazuar te Fulham, ku ka pasur deri tani një eksperiencë nën pritshmëritë, pasi është aktivizuar me pikatore, ndryshimi i ambientit mund t’i bëjë mirë sulmuesit shqiptar dhe Borussia e Dortmundit është një ndër ato skuadra që mund të jenë vendi i duhur për t’u ringritur në nivelet më të lartë, duke shfaqur gjithë potencialin e tij.
Skuadër që ka fituar simpatinë e gjysmës së Europës, dhe së fundmi pasi eliminoi milionerët e PSZH-së nga Liga e Kampionëve, Dortmundi mund t’i ofrojë Brojës vitrinën e duhur për të shkëlqyer jo vetëm në Bundesliga, por edhe në kompeticionin kontinental, ku “verdhezinjtë” janë protagonistë të përhershëm.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës