Drita do të luajë miqësore me FC Aarau më 23 mars

Biletat do të jenë nga 20 deri 50 franga, si dhe 5 për fëmijë

FC Aarau do të luajë një ndeshje miqësore atraktive kundër klubit nga Gjilani, FC Drita, të shtunën, më 23 mars 2024 (18:00), shkruan albinfo.ch.

FC Drita është me seli në qytetin e Gjilanit dhe është një nga klubet më të suksesshme nga Kosova. Vitet e fundit, bardheblutë janë renditur vazhdimisht në top 4 të Superligës vendase dhe kanë festuar gjithashtu dy tituj kampion (2018, 2020) dhe një triumf në Superkupë (2018). Në nivel ndërkombëtar, klubi dueloi me kundërshtarë të njohur si Feyenoord Rotterdam, Legia Warszawa dhe Viktoria Plzen.

Për herë të parë në rreth 15 vjet, Brügglifeld do të jetë vendi ku do të zhvillohet një ndeshje miqësore ndërkombëtare me audiencë. Në atë kohë, fituesit në fuqi të Kupës UEFA FK Shakhtar Donetsk ishin mysafirë në Aarau, siç ishin VfL Wolfsburg (2008) dhe FK Rubin Kazan (2006).

Për shkak të komunitetit të madh të shqiptarëve të Kosovës në Zvicër, pritet kërkesa e madhe për bileta, prandaj rekomandohet fuqimisht që t’i siguroni biletat paraprakisht. Këto tani mund të blihen online – si dhe në të gjitha biletat e njohura të Ticketcorner dhe gjatë orarit të rregullt të punës në zyrën e FCA në Brügglifeld.

Biletat do të jenë nga 20 deri 50 franga, si dhe 5 për fëmijë.

Linku për bileta:—->> ticketcorner.ch

---