Dy shqiptare pjesë e “Fifty Shades Freed”

Dy shqiptare do të jenë pjesë e filmit më të ri “Fifty Shades Freed”. Njëra si aktore dhe këngëtare, ndërsa tjetra vetëm si këngëtare.

Bëhet fjalë për dy yjet me prejardhje kosovare, Rita Orën dhe Dua Lipën, transmeton Albinfo.ch.

Rita Ora do të jetë sërish aktore në rolin e Mia Greyt, motrës së Christian Greyt që është në rolin kryesor. Përpos aktrimit, Rita do të jetë e pranishme edhe me këngën “For You” që do të jetë pjesë e kolonës zanore. Këtë këngë ajo e solli ditë më parë në bashkëpunim me Liam Paynen, transmeton Albinfo.ch.

Por, përpos Ritës aty do të jetë edhe Dua Lipa. Ajo në film përfshihet me këngën “High” të cilën e ka realizuar në bashkëpunim me Whethan.

Të gjitha këngët do të publikohen në ditën kur debuton filmi, më 9 shkurt.