Easyjet: Bëni diçka për grevat ose humbni turistët, paralajmërohet qeveria franceze

Foto/ Wikipedia

Drejtori i Përgjithshëm i linjës ajrore buxhetore easyJet ka thënë se Franca duhet të trajtojë grevat përpara se turistët “të shkojnë diku tjetër”.

“Lëvizja sociale ka pasur pasoja për 10 milionë udhëtarë, 64,000 njerëzve u janë anuluar fluturimet në ditë të grevës. Kjo është e papranueshme”, tha Johan Lundgren për AFP në një intervistë në aeroportin Orly të Parisit, përcjell tutje albinfo.ch.

Së bashku me vendet e tjera evropiane, sektori i udhëtimeve në Francë është goditur nga grevat e vazhdueshme të pensioneve. Punëtorët e linjave ajrore dhe stafi i kontrollit të trafikut ajror i janë bashkuar aksionit industrial për të kundërshtuar rritjen e moshës së daljes në pension. Kjo ka sjellë vonesa dhe ndërprerje për pasagjerët.

Në disa aeroporte, autoriteti i aviacionit civil të Francës ka këshilluar linjat ajrore të anulojnë deri në 30 për qind të fluturimeve në ditët e grevës.

“Ne nuk e kundërshtojmë të drejtën e njerëzve për grevë, por pasojat duhet të jenë proporcionale dhe fluturimet mbi territorin francez duhet të mbrohen”, thotë Lundgren.