Lifestyle
Edhe artistët britanikë kërkojnë zhvendosjen e “Eurovisionit”
Kreatorja e njohur e modës, Vivviene Westwood, pastaj Peter Gabriel dhe Wolf Alice janë në mesin e së paku 50 artistëve, të cilët kërkojnë që gara për këngën më të mirë evropiane, apo “Eurovision” të zhvendoset nga Izraeli.
Duke përmendur shkeljen masive të të drejtave të njeriut, artistët nënshkruan letër të hapur, duke i kërkuar BBC-së të kërkojë nga organizatorët të zhvendosin garën, përcjell albinfo.ch.
“’Eurovisioni’ mund të jetë argëtues, por nuk mund të jetë përjashtim për të konsideruar të drejtat e njeriut”, shkruajnë artistët. Gara e përvitshme do të duhej të mbahej në Tel Aviv në maj, pasi që vitin e shkuar atë e fitoi këngëtarja Netta.
Artistët, mes tjerash, argumentuan se “Eurovisioni” është i paraparë të përhapë diversitetin dhe përfshirjen, gjë të cilën Izraeli nuk e bën duke okupuar Bregun Perëndimor, Jerusalemin Lindor dhe lartësirën e Golanit. “Nuk mund të injorojmë shkeljen sistematike të të drejtave të palestinezëve”, pohojnë artistët. Shumica e këtyre artistëve, edhe në të shkuarën kanë bërë thirrje për bojkot kulturor ndaj Izraelit dhe kanë kritikuar artistët, si Nick Cave, Lana Del Rey apo bendin Radiohead që mbajtën koncerte atje.
Letra e artistëve britanikë vjen pas së njëjtës që drejtuan artistët evropianë. Letra është organizuar nga Lëvizja për Bojkot, Shpronësim dhe Sanksionim, e cila angazhohet për bojkot të tërësishëm të Izraelit shkaku i politikës që ka ndaj Palestinës.
Të ngjashme
Të tjera nga Lifestyle
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?