Lajme
Zviceranët kanë udhëtuar jashtë vendit 30% më shumë se para pandemisë
Në krahasim me vitin 2019, pra para pandemisë, shpenzimet e zviceranëve jashtë vendit ishin për një të tretën më të larta
![](https://www.albinfo.ch/wp-content/uploads/2019/08/282332375-587x392.jpg)
Në katër muajt e parë të vitit, zviceranët kanë udhëtuar sërish jashtë vendit dukshëm më shumë se në dy vitet e pandemisë. Të paktën këtë e tregojnë shpenzimet pa para në dorë (por me kartë ose online) që kanë bërë atje.
Këto shpenzime ishin rreth dy herë më të larta se vitin e kaluar, transmeton albinfo.ch. Por ajo që është më e rëndësishme, edhe në krahasim me vitin 2019, pra para pandemisë, shpenzimet ishin për një të tretën më të larta.
Vendet fqinje si Italia dhe Franca kanë përfituar në veçanti nga shpenzimet dukshëm më të larta që kanë bërë udhëtarët zviceranë. Kështu, në këto vende, krahasuar me vitin 2019, ka një rritje për një të katërtën gjegjësisht një të pestën, siç shihet nga të dhënat e Monitorimit të Konsumit në Zvicër, shkruan srf.ch.
Kur jemi te vendet fqinje, shpenzimet kanë mbetur vetëm në Gjermani rreth 9 për qind nën nivelin e para krizës. Një arsye për rënien e ndjeshme në Gjermani mund të ketë qenë masat më të rrepta të koronës që kanë qenë në fuqi atje për një kohë të gjatë.
Të dhënat përfshijnë pagesat pa para të gatshme që përpunohen përmes rrjetit të ofruesit të shërbimeve financiare Worldline në Zvicër.
Megjithatë, zviceranët po shpenzojnë gjithnjë e më shumë në vendet më të largëta, pra më larg se vendet fqinje. Këto janë të përmbledhura në statistikat nën titullin Bota, përcjell albinfo.ch. Në këtë kategori, shpenzimet pa para në dorë, të bëra nga zviceranët janë rritën me më shumë se një të tretën krahasuar me vitin 2019.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n