Lajme

Egzon Shala e nis me fitore, por ndalet në çerekfinale

Mësohet se Egzon Shala e nis në mënyrën më të mirë të mundshme debutimin në Lojërat Olimpike Tokio 2020, transmeton albinfo.ch.

Mundësi ynë shënoi fitore ndaj algjerianit Djahid Berrahal, në raundin e parë të kategorisë -125 kilogramë.

Shala dominoi që nga fillimi, duke triumfuar me rezultat 6:0, për vetëm 45 sekonda.

Shala është kualifikuar në çerekfinale, por në ndeshjen e radhës u përball me iranianin Amir Hossein Zare, prej të cilit edhe u mposht.

Megjithatë, ëndrra për medalje nuk përfundon këtu për Egzonin, pasi mund të luajë në repesazh.

Për të ndodhur kjo, iraniani Zare duhet të fitojë gjysmëfinalen ndaj Petriashvillit të Gjeorgjisë, përballje kjo që luhet prej orës 11:15 me kohën tonë lokale.


LAJME INTERESANTE NGA INTERNETI