Ekonomia e Kinës ndikim me peshë në rimëkëmbjen e ekonomisë globale

Ekonomia kineze do të vazhdojë të shërbejë si një motor i rritjes dhe të kontribuojë në rimëkëmbjen ekonomike globale, deklaroi një zëdhënës i Ministrisë së Jashtme kineze.

Raportet e fundit të nxjerra nga Banka Botërore dhe Organizata për Bashkëpunim dhe Zhvillim Ekonomik (OECD) vunë re se rihapja e Kinës do të japë shtysë për rritjen ekonomike botërore, citon “Xinhua”.

Banka Botërore parashikoi se ekonomia e Kinës do të rritet me 5.6 për qind në vitin 2023 dhe OECD e vendosi këtë shifër në 5.4 për qind.

Zëdhënësi Wang Wenbin tha se disa organizata dhe institucione ndërkombëtare, si Kombet e Bashkuara, Banka Botërore dhe Fondi Monetar Ndërkombëtar, kanë rritur së fundmi parashikimin e tyre për rritjen ekonomike të Kinës. Disa prej tyre madje e rishikuan parashikimin më shumë se një herë.