Ekspertë nga Suedia trajnojnë stafin e Klinikës së Kirurgjisë në QKUK

Klinika e Kirurgjisë Pediatrike njofton se ekspertë nga Suedia kanë trajnuar stafin e Klinikës së Kirurgjisë në QKU. Punëtoria njëjavore e urodinamikës, uroterapisë dhe trajtimit endoskopik të refluksitveziko-urinar të fëmijëve, e cila ka zgjatur katër ditë, ka përfunduar me sukses, përcjell albinfo.ch.

“Ekspertët nga Universiteti i Linkopingut  nga Suedia, prof. dr. Sven Mattson, prof. dr. Anders Spanberg, prof. dr. Peder Drott, së bashku me ekipin vendor të urodinamikës nga Klinika e Kirurgjisë së Fëmijëve kanë mbajtur punëtorinë praktike me kontrolle dhe vizita të pacientëve. Gjatë kësaj jave kanë vizituar dhe trajtuar 50 fëmijë me çrregullime të fshikëzës urinare”, thuhet në njoftimin për media.

Bashkëpunimi me ekipin suedez nga Linkshoping do të vazhdojë edhe vitin e ardhshëm, me synim që të fillohet edhe një projekt i ri bashkëpunimi në fushën e kujdesit emergjent dhe intensiv në pediatri.