Emigrantët mbeten krizë për 16 shtetet e BE-së

Liderët e 16 shteteve të Bashkimit Evropian të dielën kanë diskutuar për zgjidhjen e krizës së migrantëve në kontinent, mirëpo “mini-samiti” i nuk ka rezultuar me ndonjë vendim konkret.

Kancelarja gjermane, Angela Merkel ka thënë se do të vazhdojnë të punojnë në zgjidhjen e këtyre çështjeve.

Këto deklarata Merkel i ka bërë pas takimit në Bruksel.

“Ka pasur shumë gatishmëri dhe pavarësisht disa dallimeve të vogla, kemi arritur të bashkohemi”, ka thënë ajo.

Merkel po ashtu ka bërë thirrje për takime para samitit të BE-së, i cili pritet të mbahet me të gjitha shtetet anëtare më 28-29 qershor.

Hungaria, Polonia, Sllovakia dhe Republika Çeke, kanë thënë se do të bojkotojnë mini-samitin për shkak të kundërshtimeve të thirrjeve të vendeve tjera, kryesisht Gjermanisë, për të pranuar kuotën e migrantëve.

Shumë persona kanë arritur në Evropë nga viti 2015, kryesisht pasi kanë ikur nga Siria dhe Iraku, duke nxitur tensione në mesin e anëtarëve të bllokut. Kjo situatë më pas ka ndikuar në fuqizimin e partive kundër emigrantëve, të cilat kanë rritur frikën ndaj të huajve.