Emision televiziv zviceran për Faik Rrafshin

Televizioni zviceran do të bëj emision për pronarin e ushqimores „Ömer`s Imbiss“ në Aarau të Zvicrës.

Para dy vitesh, pronari i ushqimores „Ömer`s Imbiss“ në Aarau të Zvicrës është pensionuar, duke lënë një mbresë të madhe tek klientët e tij zviceranë e të tjerë. Ushqimorja e tij shërbehej nga një rimorkio, të cilën tashmë dy vite e ka trashëguar me sukses kosovari Faik Rrafshi, i cili ka pasur marrëdhënie shumë të mira me Ömerin. Faiku i kishte ndihmuar shpeshëherë Ömerit, duke krijuar kështu një besim të ndërsjellë, kështuqë ai ia kishte dorëzuar rimorkion e tij Faikut. Pasi që Ömeri i ka kaluar të tetëdhjetat, një ditë, bashkëshortja e tij e kishte thirrë Faikun në telefon duke e lutur që ai të përkujdesej ndonjëherë për ushqimoren.

Ömeri kujdeset nëse pasardhësi i tij e bën ushqimin mirë, nëse i rregullon mirë copat e bukës, nëse e ka pjekur mishin në mënyrë optimale. „Por, Faiku është shumë i talentuar“, pohon i qetësuar Ömeri për „Aargauer Zeitung“, njofton Albinfo.ch. Faiku vazhdon punën me zell të madh duke pohuar se e gëzon pranimi i Ömerit në rimorkio edhe pse aty është pak ngushtë. „Jam shumë i lumtur që ai më viziton tre-katër herë në javë“, pohon Faiku, ushqimorja e të cilt tashmë gjendet në qytezën Buchs dhe është pagëzuar me emrin „Faik`s Imbiss“.

Televizioni zviceran tashmë është duke planifikuar të incizojë një emision. Dhe Ömeri ka vendosur që t`i lejojë Faikut që të marrë drejtimin. Në TV kryesisht do të jetë Faiku në qendër të vëmendjes. “Ömeri më tha se ai ka pasur paraqitjet e tij, ndërsa tani është radha ime”, thotë Faik Rrafshi. Por sigurisht se edhe Ömeri ishte i pranishëm për xhirimin. Të dy janë shumë të lumtur.

Për fat të keq, rimorkion e Ömerit nuk do të jetë e mundur ta transportojnë deri në vendin e xhirimit, pasi ajo nuk është e përshtatshme për transport. Pra, një makinë zëvendësuese duhet të vijë, natyrisht me reklamën e Ömerit. “Gjithçka që duhet të bëj është të marr disa gërshërë zgarre dhe disa salçice”, thotë Faiku duke qeshur.

Sa iu përket salçiceve: Ishte planifikuar që Ömer dhe Faik Rrafshi ende të shesin salçice pas xhirimit. Për hir të kohëve të vjetra. Por kjo nuk është aq e lehtë: Pasi do të ketë nevojë për një leje përkatëse nga policia e qytetit. Toni von Daniken, zëvendësshefi i policisë bashkiake të Aaraut, spjegon: “Në verën e vitit 2017, praktikat e miratimit të lejeve për funksionimin e imbis ushqimeve ka qenë të lehtësuara nga këshilli i qytetit.