Ende asnjë informacion për rrëmbimin e gazetarit serb

Ende nuk është publikuar asnjë rezultat para hetimor në lidhje me zhdukjen e gazetarit serb, Stefan Cvetkoviq nga ana e Prokurorisë në Serbi.

Mediat serbe kanë raportuar se ende nuk ka rezultate të ekspertizës pas të cilave do të merren masa.

Gazetari Cvetkoviq u shpall i zhdukur ndërmjet mbrëmjes së  13 dhe 14 qershorit në qytetin Bella Cërkva.

Makina e tij ishte gjetur nga policia e parkuar dhe me dyer të hapura.

Dy ditë pas zhdukjes së tij, policia ka lajmëruar se gazetari serb është gjetur i gjallë.

Cvetkoviq kohëve të fundit po merrej me hulumtimin për vrasjen e politikanit serb në Kosovë, Oliver Ivanoviq, shkruan Albinfo.ch.