Kosova

Engel: Qeveria të formohet sa më shpejt

“Sa më tepër që të zvarritet formimi i qeverisë, armiqtë e Kosovës e kanë më të lehtë të minojnë mbarëvajtjen e Kosovës”

Kongresisti amerikan, Eliot Engel, së fundi ka komentuar zhvillimet politike në Kosovë.

Ai është shprehur se duhet të krijohet qeveria e re e Kosovës sa më shpejt, sepse sa më tepër të zvarritet formimi i qeverisë, armiqtë e Kosovës e kanë më të lehtë të minojnë mbarëvajtjen e Kosovës.

Po ashtu, kongresisti Engel tha se komuniteti shqiptar në Bronks dhe SHBA janë shembulli më i mirë i realizimit të ëndrrës amerikane.

“Janë pasqyrimi më i pastër i asaj ëndrre dhe Amerikës. Kur Herri Bajraktari erdhi tek unë para 30 vjetëve, nuk e kam ditur se do të ma ndryshonte jetën”, ka thënë Engel.

Gjithashtu ai tha se shtetet që nuk e kanë njohur Kosovën duhet ta bëjnë sa më shpejt.

“Vendet që nuk e kanë njohur Kosovën, duhet që ta njohin sa më parë”, ka thënë Engel duke falënderuar për përkrahjen.

Nga ana tjetër, lidhur me formimin e qeverisë, thotë se Kosova duhet të krijojë qeverinë sa më shpejt.

“Rri me shpresë dhe pres që partitë fituese të formojnë koalicionin sa më shpejt, të tregojnë që Kosovë është shtet demokratik”, shtoi Engel, përcjell albinfo.ch.