Erdogan kritikon Perëndimin për situatën në Ukrainë

Presidenti turk, Rexhep Tajip Erdogan, tha se Turqia është e përkushtuar për një dialog për paqe midis Rusisë dhe Ukrainës.

Lideri turk ka akuzuar Shtetet e Bashkuara dhe vendet e tjera perëndimore se po e provokojnë Moskën, raporton Reuters.

“Perëndimi, dhe veçanërisht SHBA-ja, po sulmojnë Rusinë në mënyrë të pafundme”, pa elaboruar më shumë. Sigurisht, Rusia po shfaq një rezistencë të madhe në ballë të gjithë kësaj”, është shprehur Erdogan, përcjell albinfo.ch.

Shtetet perëndimore kanë armatosur Kievin dhe i kanë ofruar edhe ndihmë tjetër. Po ashtu, ato kanë vendosur sanksione të ashpra ndaj Moskës qëkur Kremlini nisi pushtimin e paprovokuar të Ukrainës në fund të shkurtit.

“Ne po punojmë se si të krijojmë një korridor të paqes, sikurse korridori për drithërat. Ne mendojmë se mënyra më e mirë për këtë është rruga nga dialogu në paqe”, theksoi Erdogan, duke shtuar se qëndrimi i Ukrainës do të jetë i rëndësishëm.