Faqja zyrtare e Bundesligës, rrëfim special për Milot Rashicën

Keystone

Milot Rashica nuk është aq larg me gola nga Lionel Messi dhe Kylian Mbappe për vitin 2019, por çfarë tjetër mund të dini për anësorin e Werder Bremen.

Kështu e nis rrëfimin për yllin kosovar faqja zyrtare e Bundesligës.

Rashica bëri debutimin e tij në klubin e vendlindjes KF Vushtrria në Kosovë në moshën 16 vjeç , dhe shënoi nëntë gola në 21 paraqitje para se të fitonte një transferim në Holandë me Vitesse Arnheim në verën e vitit 2015. Tashmë një fitues i Superligës së Futbollit të Kosovës 2013/14 me Vushtrria, Rashica ndihmoi Vitesse të rrëmbejë Kupën Hollandeze në fund të sezonit të tij të dytë në klub.

Kur u nis për në Bremen në janar 2018, ai kishte regjistruar gjithsej 15 gola dhe 24 asistime në 100 paraqitje në tokën holandeze, përcjell albinfo.ch.

Rashica bëri transferimin e tij në Werder në fitoren 2-1 kundër Schalke më 3 shkurt 2018 dhe hapi llogarinë e tij një muaj më vonë në një fitore 3-1 ndaj Këlnit. Ishin, megjithatë, tetë golat e tij dhe katër asistimet në 17 ndeshje të ligës gjatë gjysmës së dytë të 2018/19 – fushata e tij e parë e plotë në ekipin gjerman- që i dha ngritje karrierës së tij.