Uebfaqja zvicerane u hakua, paguan shpërblim 363 mijë franga

Pexels

Faqja e popullarizuar e konsumatorit Comparis.ch u hakua më 7 korrik dhe hakerët kërkuan pagesë për të rivendosur uebfaqen.

Ndërsa Comparis fillimisht tha se nuk do t’u nënshtrohej kërkesave për shpërblim, tani pagoi rreth 363,000 franga në kriptomonedhë, sipas raporteve në Schweiz am Wochenende, transmeton albinfo.ch.

“Disa skedarë thelbësorë u koduan nga hakerët dhe ne mund t’i rikuperonim vetëm me përpjekje të mëdha”, tha zëdhënësi i Comparis.ch, Andrea Auer.

Megjithatë, dëmet e shkaktuara nga hakerët thuhet se janë më të mëdha se sa pritej dhe klientët kanë marrë email që u kërkojnë atyre të ndryshojnë fjalëkalimet e tyre. /Albinfo.ch