Lajme

FBI akuzon Kinën për origjinën e koronavirusit

Marrëdhëniet SHBA-Kinë janë tensionuar sërish pas deklaratës së FBI-së se pandemia e coronavirusit e ka origjinën në një laborator të Vuhanit.

Teoria është hedhur poshtë nga OBSH dhe agjenci të tjera amerikane. Për Pekinin, rikthimi i akuzave këtë herë është më shumë se e dyshimtë.

“Kina kundërshton me forcë çdo formë manipulimi politik mbi origjinën e virusit. Kur agjencitë e inteligjencës përfshihen në çështje shkencore, ato i politizojnë ato. Nisur nga falsiteti, mashtrimi dhe precedentët negativë të agjencive amerikane, përfundimet e tyre nuk kanë besueshmëri”, tha Mao Ning, zëdhënëse e Ministrisë së Jashtme kineze.

Personi që ngriti teorinë e origjinës ishte vetë drejtori i FBI-së, gjatë një debati mbi këtë çështje të mbajtur në televizionin “Fox News”.