FC Iliria e Solothurnit, rrugës për ta përsëritur suksesin e 2016-ës

FC Iliria ka përfunduar në vend të parë me 28 pikë, me nëntë fitore, një barazim dhe vetëm një humbje

FC Ilirinë e Solothurnit e mbajmë mend për suksesin historik në futbollin e Zvicrës në vitin 2016, kur u shpall kampion të Solothurnit dhe e fituan kupën kantonale, por që atëherë nuk e kishim parë në vendin e parë.

Siç po rrjedhin gjërat dhe duke u bazuar në rezultatet e sezoni vjeshtor, ekipi shqiptar mund ta përsërisë suksesin e para tre vjetëve, njofton albinfo.ch.

Në Ligën e 2-të të Solothurnit, FC Iliria ka përfunduar në vend të parë me 28 pikë, me nëntë fitore, një barazim dhe vetëm një humbje.

Duhet përmendur fakti se FC Iliria është ekipi me më pak gola të pranuara këtë sezon, vetëm pesë.

Në garat e Kupës, FC Iliria është plasuar në 1/8 e finales së Kupës së Solothurnit dhe në pranverën e 2019-ës, për kundërshtar e ka FC Fulenbachin.

---