Fillon Kupa e Futbollit Shqiptar në Gjermani

Foto: MDIS

Në Stukenbrock (Gjermani) sot ka filluar gara për Kupën e Futbollit Shqiptar, përcjell albinfo.ch.

Në këtë garë po marrin pjesë 11 ekipe futbolli, ndërkohë që gara do të vazhdojë edhe nesër, ku edhe do të bëhet i ditur fituesi i Kupës.

Kupa e Futbolllit Shqiptar është organizuar nga Ministria e Diasporës (Kosovë), në bashkëpunim me Federatën e Futbollit Shqiptar në Gjermani dhe Fc. Kastrioti Stukenbrock.

Në emër të ministrit të Diasporës, Dardan Gashi, pjesëmarrësit i ka përshëndetur zëvendësministri Isni Kilaj, thuhet në njoftimin e MDIS-it.

Në këtë organizim po marrin pjesë edhe Fatmire Musliu, konsulle e përgjitshme e Kosovës në Frankfurt, Agim Ademi, president i FFK-së, Fidan Ibrahimi, konsull në Gjermani, Elis Badalli dhe Afrim Deliu nga MDIS dhe personalitete të tjera.