Lajme

Fitime miliardëshe nga teknologjia gjatë pandemisë

38 miliardë dollarë fitime në 3 muaj

E shtunë, 31 Tetor 2020 - 23:00 albinfo.ch

Isaac Quesada @isaacquesada

Ani pse shumë sektorë të ekonomisë kanë pësuar dëme të mëdha për shkak të pandemisë së koronavirusit, kjo nuk ka qenë e njëjtë edhe me teknologjinë. Amazon, Apple, Google dhe Facebook kanë mundur të sigurojnë fitime të mira prej përdoruesve dhe klientëve të reklamës në kohën e pandemisë.

Sipas informacioneve thuhet se 38 miliardë dollarë kanë fituar të katër gjigantët e teknologjisë së informacionit në vetëm tremujorin e kaluar. Amazon e ka rritur xhiron e tremujorit krahasuar me një vit më parë me 37 për qind, duke pasur një lëvrim fondesh prej 82,3 miliardë eurosh.

Facebook po ashtu ka mundur të përfitojë në biznesin e reklamës, pasi gjithnjë e më shumë firma të vogla kanë kaluar tani te shitjet online, për të rikuperuar humbjet prej krizës.

Te Googel po ecën ndër të tjera biznesi me platformën e videove YouTube, ndërkohë që njerëzit po qëndrojnë më shumë në shtëpi. Ndërsa në kohët “Home Office” dhe mësimit online Apple po fuqizohet në biznesin me kompjuterët Mac dhe iPads. /Albinfo.ch