Fitore historike e Kosovës

Kosova ka shënuar fitore ndaj Letonisë 4:3, në miqësoren e zhvilluar në Mitrovicë, shkruan albinfo.ch.

Golin e parë e shënoi Kluskins në minutën e 11-të nga largësia. Vetëm dy minuta më vonë Armir Rrahmani barazoi me kokë për 1:1.

Por, letonezët shënojnë sërish, duke shfrytëzuar një gabim të mbrojtjes për 2:1.

Ndodhi kjo në minutën e 30-të, kurse Vedat Muriqi në minutën e 45-të shënoi me kokë për 2:2, rezultat me të cilin përfundoi pjesa e parë.

Kluskins në minutën e 59-të shënoi për 3:2, por Kosova nuk u dorëzua dhe goli i barazimit erdhi në minutën e 86-te, edhe pse ishte me shumë fat.

Ndeshje mjaft dramatike u zhvillua në fund dhe Besar Halimi shënoi për 4:3 në minutën e 94-t dhe fitoren e Kosovës në këtë ndeshje miqësore.

 

 

 

---