Fluksi i madh i migracionit, e ka rritur nivelin e dhunës

Një zëdhënëse e Ministrisë Gjermane të Familjes, Verena Herb, tha se studimi konfirmon nevojën për përpjekje më të mëdha integruese në Gjermani

Fluksi i emigrantëve të rinj shkaktoi një rritje të kriminalitetit në Gjermani, tha një studim i financuar nga qeveria gjermane, përcjell albinfo.ch.

Studimi i kriminologut Christian Pfeiffer përdor të dhëna nga Saksonia e Ulët për të analizuar ndikimin e ardhjes së refugjatëve në periudhën 2015 -2016.
Studimi tregoi një rritje prej 10.4 për qind të krimeve të dhunshme, të cilat gjatë këtyre dy vjetëve u atribuohen refugjatëve.

Të arratisurit e rinj kanë më shumë gjasa të kryejnë krime nëse mendojnë se nuk kanë shpresë për të ardhmen dhe shumica e tyre vijnë nga vendet myslimane të karakterizuara nga dominimi i burrave.

Një zëdhënëse e Ministrisë Gjermane të Familjes, Verena Herb, tha se studimi konfirmon nevojën për përpjekje më të mëdha integruese në Gjermani.