Fotografohet në Kosovë simboli i natyrës shqiptare

Wildlife

Fotografohet, me super cilësi, në ambientin e saj natyral, në një zonë të Kosovës, simboli i bjeshkëve shqiptare, dhia e egër, përcjell albinfo.ch.

Dhia e egër ballkanike është një specie e rrallë, e konsideruar në rrezik zhdukjeje nga gjuetia e paligjshme! Ajo është shpallur e mbrojtur edhe nga Konventat Europiane të Natyrës së Egër! Pavarësisht se gjithmonë bie pre e papërgjegjshmërisë së gjuetarëve dhe gjuetisë së paligjshme!

Fotografia është realizuar nga fotografi i mirënjohur, Arian Mavriqi, i specializuar, veçanërisht në fotografimin, filimimin dhe dokumentimin e jetës së egër në trojet shqiptare e më gjerë!

Për hir të së vërtetës, dokumentimi i dhisë së egër është realizuar edhe herë të tjera, por në cilësi që lë për të dëshiruar dhe nga mjete joprofesionale, ose në distanca tepër të largëta!

Vështirësia e fotografimit është jashtëzakonisht e madhe për arsye të habitatit ku jeton. Habitat i karakterizuar nga terreni i thepisur, e lartësia e konsiderueshme e Alpeve, mbi nivelin e detit.

Me shaka Mavriqi thotë se “preferoj më shumë me fotografu djallin se dhinë egër në gjendje të lirë në habitatin e saj natyral!”

---