Franca: Nuk pranojmë më shumë se 30.000 refugjatë

Këtë përgjigje i ka dhënë kryeministri francez Manuel Valls kërkesës së kancelares gjermane Angela Merkel që të pranojë më tepër azilkërkues

Franca kundërshton vendosmërisht kërkesën gjermane për pranimin e më tepër refugjatëve se sa ishin marrë vesh me parë. Ajo do të mbetet në shifrën prej 30 mijë sish, numër për të cilin Franca është zotuar në ndarjen për të cilën ishin marrë vesh shtetet e BE-së.

Këtë përgjigje i ka dhënë kryeministri francez Manuel Valls kërkesës së kancelares gjermane Angela Merkel që të pranojë më tepër azilkërkues se sa ka qenë marrëveshja paraprake.

E marrëveshja ka qenë që shtetet e BE-së, për të shkarkuar Italinë dhe Greqinë, të pranojnë 160.000 refugjatë që janë strehuar në dy vendet e përmendura.