Francë: Regjisorja shqiptare, me karrierë të spikatur në kinematografi

Regjisorja shqiptare, Luana Bajrami, jeton me familjen e saj prej vitit 2008 në Francë, shkruan albinfo.ch.

Ajo është në një moshë fare të re, por tashmë ka një karrierë mjaft të spikatur në kinematografi.

Fillimet e artistes kanë qenë si aktore, ku interpretimin e saj të parë e ka bërë në filmin e vitit 2011, “Zgjedhja e Adeles”, si personazhi i një studenteje 8-vjeçare shqiptare.

Bajrami është shpallur regjisorja më e mirë në festivalin “PriFest”, me filmin “Luaneshat e Kodrës”, i cili është një prodhim kosovaro-francez dhe në atë kohë e çoi Kosovën në Festivalin e Filmit në Kanë me filmin “Luaneshat e Kodrës”.

Regjisorja dhe aktorja shqiptare po zhvillon karrierën në Francë dhe së shpejti priten projekte të reja. /Albinfo.ch

---