Kosova
Fshati kosovar që po merr pamje sikurse fshatrat zvicerane
Peizazh i bukur natyror, vend i pastërt, rrjedhja e bukur e lumit e bëjnë që Uglari të jetë fshati me pamjen më të bukur në Kosovë
Po të hysh në rrugën në të cilën lidhet fshati i bukur Uglar, që gjendet në komunën e Gjilanit, vërehet një natyrë magjepsëse me bukuritë e saj, ajër të pastër, vend karakteristik me male, shtëpi të bukura, pastërti dhe të gjitha këto ofrojnë një pamje të larmishme dhe të jashtëzakonshme, shkruan albinfo.ch.
Fshati Uglar është i pasur me komplekse të bukura malore, atraktive dhe me natyrë magjepsëse për syrin e njeriut, e ngjashme sikurse fshatrat zvicerane.
Me të hyrë në këtë fshat, natyra e saj e pastër dhe kulturat bujqësore të ofrojnë pamje mahnintëse, ndërsa malet rreth saj i shtojnë hijeshinë, që çdoherë e më shumë po shquhet si nga ana e kulturës, ashtu edhe për nga pastërtia që mbahet nga vetë banorët.
Uglari është një vendbanim në komunën e Gjilanit. Pas vitit 1999 fshati është i njohur edhe me emrin Margesh dhe gjendet 5 kilometra larg qendrës komunale të Gjilanit.
Ky vend i bukur është vendosur në dy anë e lumit Morava e Binçës, që ia shtojnë hijeshinë për nga pamja dhe shtrihet në skajin juglindor të Fushës së Gjilanit. Thuhet se fshati Uglar ka 250 shtepi të banueshme, me rreth 1500 banorë, ku 100% e tyre janë shqiptarë dhe ka disa lagje, ndërsa një përqindje e madhe e këtij fshati jeton në mërgim, shkruan albinfo.ch.
Duket se ky fshat ka një ekonomi të zhvilluar. Banorët kryesisht merren me bujqësi dhe blegtori. Gjithashtu fshati Uglar ka shkollën fillore “Vehbi Ibrahimi”, me rreth 250-300 nxënës.
Kush ka kohë dhe mundësi, nuk ka pse të mos e vizitojë dhe ta shijojë, sepse në vete bart kulturë dhe natyrë magjepsëse. /Albinfo.ch.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane