Fshati zviceran ka futur monedhën e vet

Monedha quhet "Isenau", sipas zonës mbi fshatin në të cilin mund të arrihet vetëm me teleferik.

Foto:Twiter

Fshati zviceran, Les Diablerets,  ka futur monedhën e vet me qëllim për të rritur ekonominë lokale dhe për të financuar një  teleferik , i cili sipas banorëve është vendimtar për zhvillimin e zonës.

Në qarkullim janë 50 mijë monedha të lëshuara në fshat dhe në vendpushimin e skive “Les Diablerets” , dhe në secilin është gdhendur një imazh nga kabina ekzistuese e teleferikut, transmeton albinfo.ch.

Monedha quhet “Isenau”,  sipas zonës mbi fshatin në të cilin mund të arrihet vetëm me  teleferik.

Kjo është një iniciativë e Fondacionit për mbrojtjen e interesave të Isenau, e cila shpreson të rrisë 250.000 franga për të ndihmuar në ndërtimin e teleferikut.

Paratë do të jenë në qarkullim deri në fund të prillit dhe janë të vlefshme vetëm në dyqane lokale dhe restorante.