Lajme
Fushata e BAG, tani me ngjyrë të kaltër: fokusohet në gjurmimin e kontakteve
Përveç rregullave ende të vlefshme dhe të provuara, fushata tani është duke vendosur në fokus të saj gjurmimin e kontakteve
Pas lehtësimit të gjerë të masave të mbrojtjes nga koronavirusi, më 6 qershor, ngjyra e fushatës së Zyrës Federale të Shëndetit Publik (BAG) është ndryshuar në blu. Ajo po ashtu përqendrohet në ndërprerjen e zinxhirit të infeksioneve, ka njoftuar BAG përmes një komunikate shtypi.
Mbajtja e një distancë të sigurt mbetet edhe në këtë fazë masa më e rëndësishme mbrojtëse me të cilën të gjithë mund të mbrojnë veten dhe të tjerët. Këshilli Federal, siç dihet, ka hequr gjobën përkatëse administrative (prej 100 frangash) për mosrespektimin e distancës në hapësirat publike.
Përveç rregullave ende të vlefshme dhe të provuara, fushata tani është duke vendosur në fokus të saj gjurmimin e kontakteve, transmeton albinfo.ch. Në këtë mënyrë synohet të mbahet nën kontroll përhapja e virusit të koronës sa më efektivisht të jetë e mundur dhe të parandalojë një valë të dytë të tij.
Gjurmimi i kontaktit është mjeti efektiv për të identifikuar dhe ndërprerë zinxhirët e infeksionit, duke gjurmuar njerëzit në kontakt me një rast të konfirmuar laboratorik ose të mundshëm të Covid-19, shkruan BAG. Aplikacioni për gjurmimin e kontakteve mund ta shkarkoni këtu: SwissCovid app
Deri më tani, fushata ka pasur një përhapje të gjerë përmes mbështetjes aktive të popullatës. Materiali i fushatës është shkarkuar rreth 500,000 herë deri më tani nga faqja përkatëse.
BAG dhe agjensia përgjegjëse për fushatën, Rod, kërkon nga pronarët e dyqaneve, restoranteve dhe farmacive që të shkarkojnë materialin e fushatës për fazën blu nga faqja e internetit: bag-coronavirus.ch dhe ta bëjnë më të dukshëm atë për punonjësit dhe klientët.
Mesazhet kryesore të kësaj faze janë:
1. Bëni testimin menjëherë nëse keni simptoma dhe qëndroni në shtëpi: https://ofsp-coronavirus.ch/check/
2. Për gjurmimin dhe ndërprerjen e zinxhirit të infeksionit, është e rëndësishme të jeni në gjendje të arrini tek njerëzit me të cilët keni pasur kontakte (nëse shfaqni vetë simptoma dhe më pas keni testuar pozitivisht).
3. Nëse shfaqni simptoma , duhet vetë të qëndroni në shtëpi (= izolim); në rast se keni pasur kontakte me një person i cili ka qenë i testuar pozitiv, ju duhet (vullnetarisht!) të shkoni në karantinë.
Më shumë informata në gjuhën shqipe: LINKU
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane