Futboll

Futbollisti shqiptar prezantohet në Bayern

Skuadra e madhe gjermane Bayern Munich sot ka prezantuar sulmuesin shqiptar, Leon Dajaku

Leon Dajaku edhe zyrtarisht është futbollist i klubit të madh gjerman, Bayern Munich.

18-vjeçari do të dërgohet në skuadrën e të rinjve si dhe në ekipin e dytë të Bayernit, që garon në Bundesliga 3 për të fituar më shumë përvojë, përcjell albinfo.ch.

Dajaku është dalluar me paraqitjet fantastike në Bundesliga U19 për Stuttgartin e shkuar, ku shënoi 17 gola dhe regjistroi shtatë asistime në sezonin ku skuadra e tij u mposht vetëm në finale nga Dortmund.

Dajaku ka përfunduar me sukses vizitat mjekësore dhe kështu është zyrtarizuar nga faqja zyrtare e ‘bavarezëve’. Bayerni ka paguar 1.5 milionë euro për transferimin e sulmuesit shqiptar.

“Jam shumë i lumtur që jam pjesë e Bayern Munichut. Mezi pres të luaj për këtë skuadër”, ka thënë Dajaku, i cili përfaqëson Gjermaninë U-19.

Pjesë e Bayernit janë edhe Meritan Shabani dhe Marvin Çuni.


LAJME INTERESANTE NGA INTERNETI