Gashi ndër më të paguarit në Amerikë

Shkëlzen Gashi fiton plot 1.668 milion dollarë, duke u renditur i 14-ti në Ligën Amerikane

@facebook

Futbolli amerikan çdo ditë e më shumë po merr yje nga futbolli evropian dhe arsyeja është e thjeshtë, pasi po i paguan më shumë, sidomos kur janë në një moshë që nuk mund të luajnë në nivelin më të lartë.

Gazeta amerikane “The Washington Post” ka publikuar listën me 25 futbollistët më të paguar në Major League Soccer, sipas të dhënave nga shoqata e futbollistëve.

Sipas të dhënave të publikuara, gjashtë prej ekipeve të MLS nuk kanë asnjë futbollist që të fitojë 1 milion dollar ose më shumë: FC Dallas, D.C. United, Houston Dynamo, Sporting Kansas City, New York Red Bulls, Philadelphia Union.

Vetëm 23 janë futbollistët në MLS që fitojnë të paktën 1 milion euro në vit, ndërsa 40 të tjerë fitojnë mes 500 000-999 999 dollarë. Janë fiks 220 futbollistë që fitojnë mes $50,000 dhe $99,999.

Por, një shqiptar është ndër më të paguarit. Bëhet fjalë për Shkëlzen Gashin. I transferuar nga Basel te Colorado Rapids gjatë dimrit, ai fiton plot  1.668 milion dollarë, duke u renditur i 14-ti, përkrah lojtarëve si Kaka që kryeson listën dhe më pas me radhë, Giovinco, Gerrard, Lampard, Pirlo, Villa, Howard, Drogba e të tjerë.