Gazetarja zvicerane magjepset nga Shqipëria dhe mëson shprehjen “A u lodhe!”

Në një postim në Instagram të 17 qershorit 2025, Mona Vetsch ka shkruar (edhe) në shqip: "Shqipëri, ishe e mirë me mua! ❤️"

Mona Vetsch është një gazetare/moderatore shumë e njohur në televizionin publik zviceran dhe në përgjithësi, në “peizazhin” televiziv të Zvicrës, ku gëzon një status të veçantë, falë kreativitetit dhe cilësisë së emisioneve që realizon. Në shumicën e projekteve të saj, që janë kryesisht seri dokumentarësh, ajo merret me udhëpërshkrime, të cilat dallohen me thellësinë që u jep dhe ngrohtësisë me të cilën vesh vendet që prezanton, shkruan albinfo.ch.

Së fundi, ajo ka vizituar Shqipërinë si pjesë e programit “Fernweh” të SRF dhe ka ndarë përshtypjet e saj në një postim në Instagram. Ajo është magjepsur nga vendi, historia e tij dhe mikpritja e njerëzve të Shqipërisë. Konkretisht, në postimin e saj ajo zë në gojë pyetjen tradicionale, shumë të njohur ndër shqiptarët: “A u lodhe?” por edhe miqësinë e njerëzve, si dhe ushqimin, malet dhe zonat përreth.

“A je lodhur?” është pyetja tradicionale e dytë kur takon dikë në Shqipëri. Menjëherë pas pyetjes “si je?” (ç`kemi). Më pëlqen shumë!

Në kuadër të serialit “Fernweh”, ekipi i gazetares Mona Vetsch ka udhëtuar përgjatë bregdetit të Mesdheut dhe gjithashtu ka vizituar Shqipërinë. Vetsch ka shprehur dëshirën e saj për të portretizuar emigrantët në Shqipëri në të ardhmen. Ajo u impresionua nga vendi dhe historia e tij dhe vlerëson mikpritjen e njerëzve, përcjell albinfo.ch.

Në një postim në Instagram të publikuar më 17 qershor 2025, Mona Vetsch ka shkruar (edhe) në shqip: “Shqipëri, ishe e mirë me mua! ❤️”

Duke numëruar gjërat që i kanë lënë më shumë përshtypje në Shqipëri, ajo shkruan: “Fakti që të gjithë të përshëndesin kur kalon me biçikletë; Shija e domateve; Rasti i një burri që gjeti çelësat e makinës sonë në rrugë dhe na shpëtoi me këtë; Mira e admirueshme, e cila bën katër punë njëkohësisht dhe gatuan si një perëndeshë; Tobi, Christin dhe Stephan (zviceranë që kanë vendosur të jetojnë në Shqipëri), të cilët më japin një pasqyrë të shtëpisë së tyre të re, Shqipërisë, ku kaq shumë gjëra po ndodhin dhe ndryshojnë tani.

Faleminderit shumë!

---